أزرق
…لأن الخط الميري أزرق
والقلم في الفصل أزرق
ولما قال مقلوب وهطفح..ركبوه البوكس الازرق
ولبسوه في السجن أزرق
وختموا ختم النسر الازرق
والبنات القطر فاتهم بخ تحت عينهم أزرق
واللي ضايعة بتستخبى تحت ليلة هلس أزرق
والجميله كى لاتحسد كان لابد من الفص الازرق
والولد لف لف ودخن
والولد لف لف ودخن فخ كان دخانه أزرق
مص دمه ودارى همه في البنطلون الجينز الازرق
وان قال حرام
رموه في مكان ميعرفوش الجن الازرق
يبقى ليه الاحمر والابيض في العلم
لما هي لونها أزرق
ليست هناك تعليقات:
إرسال تعليق